دوو ئینگلیز هەبوون کە ڕەشبین بوون، بەراورد بە کەسانی وەک ستیڤن پینکەر یان هەندێک (ئەوانیش ڕەشبینیان زۆرە) کەسی دیندار. ئۆروێڵ، کە وتویەتی داهاتوو بریتیە لە پۆستاڵێک لەسەر سەری کەسێکی تر. یەکێکی تریش بەناوی هەکسلی کە وتویەتی “کەسێک باوەڕی بە شتێک بێت هۆکارەکەی ئەوەیە وای لێ کراوە باوەڕی پێی بێت”.
ئۆروێڵ مەبەستی ئەوەیە ژیان بریتیە لە شەقی زۆرداران و لەژێرپێ خستنی بێهێزەکان، دوەمیش مەبەستی ئەوەیە کە ئەوەندە خۆشگوزرانی و لەزەت بڵاو دەکرێتەوە پێویست نەکات پۆستاڵ بخرێتە سەر سەری خەڵک.
هەکسلی مامۆستای ئۆروێڵ بوە لە قوتابخانە بەناوبانگەکەی نزیک لەندەن بەناوی “ئییتن“، نامەیەکی بۆ دەنوسێت ئەم پەرەگرافەی حەزەکەم بە مورتااااحی، جا بە هەرچی مورتاح دەبیت، لەو کاتەدا بیخوێنیتەوە:
“لە نەوەی داهاتوودا پێموایە فەرمانڕەواکانی جیهان بۆیان دەردەکەوێت کە ڕاهێنانی کۆرپە و هیپنۆزکردن بە ماددە هۆشبەرەکان کاریگەرترن، وەک ئامرازی فەرمانڕەوایی، تا یانە و زیندانەکان، و دەتوانرێت شەهوەتی دەسەڵات بە هەمان شێوە بە تەواوی تێر بکرێت بە هاندانی خەڵک بۆ خۆشەویستیی کۆیلایەتی نەک بە شەق لێدان و لێدانیان بۆ ئەوەی گوێڕایەڵ بن.”
بەخێر بێن بۆ تۆڕە کۆمەڵایەتیەکان، دنیاکەی پرۆفیسۆر هەکسلی. هەڵبەت ڕۆژهەڵاتی ناوەڕاست هێشتا لە دنیاکەی ئۆروێڵدا وەک مزراح دەسوڕێتەوە.
بڵۆگی لائق 